عباس حسین کوں آہدا ہے کجھ حال سنڑا میڈے مسلم دا

 عباس حسین کوں آہدا ہے کجھ حال سنڑا میڈے مسلم دا

ہمشیر کھڑوتی رو رو کے پئی ڈیکھے راہ میڈے مسلم دا

 

میڈے سامنڑے روندی ہے مولا میڈے بابے پاک دی جائی ہے

اوندے سر دے سائیں تے مولا پردیس ءچ اوکھ انج آئی ہے

میں وینداں کوفے مدد کیتے ہے کونڑ ڈسا میڈے مسلم دا

گل چم عباس دا آکھے شاہ میڈے مسلم دی اے فکر نہ کر

اوندا سر اقدس جھولی پیسی آج آ کے میڈی ماء مضطر

نہ خاک تے آسی سر اوندا عباس بھرا میڈے مسلم دا

میں پیار سکینہ کوں کرداں مسلم دیاں دھیاں توں لک کے 

متاں پیو دی مونجھ توں چن ویرن دل اجڑیاں دا مونجھا تھیوے 

ہنڑ کیویں آکھاں اجڑیاں کوں نہ ڈیکھن راہ میڈے مسلم دا

جڈاں اجڑی ونجیں کوفے وچ ہک منت بھرا تے لاویں چا 

اتھاں سر ملسی تیکوں مسلم دا اوندی دھیاں کوں ملواویں چا

ول ساری زندگی ساہونڑا ہے ڈکھ درد ایہا میڈے مسلم دا

شالا سائر وسدیاں ول ڈیکھوں مسلم دیاں لٹیاں اے دھیاں 

پردیس ءچ بابا نکھڑ گیا نہ جو ول بابے کوں ملیاں 

اوہو دھیاں ڈیکھن ہنڑ جلدی گھر ول وسدا میڈے مسلم دا

ارسلان علی سائر