بچڑے کہا کے ویرن مرا کے کربل ءچ تھی گئے کلہا حسین اے
بچڑے کہا کے ویرن مرا کے کربل ءچ تھی گئے کلہا حسین اے
ظالم مریسی پردے لٹیسی اے وینڑ کر کے روندا حسین اے
جیئں جیئں کوں ظالم امت لہایا اوندا ونج کے لاشہ میں آپ چایا
ہنڑ میڈا لاشہ آ چیسی کیہڑا لاشاں توں رو رو پچھدا حسین اے
عباس کن گئیں آساں مکا کے کربل ءچ میکوں کلہا کھڑا کے
ہک وار آ ونج میکوں سینے لا ونج تئیں باجوں تیڈا مونجھا حسین اے
بھینڑیں دے کیتے اے ڈکھ مزید اے امت دی خیماں دے پاسے دید اے
خیمے لٹیسنڑ برقعے لہیسنڑ نہ اجڑیاں دا بچنڑا حسین اے
سجدے دیوچ ہے ناز انبیا دا چلدا پیا ہے خنجر جفا دا
کوئی تاں بچاوے اوکوں ونج ڈساوے ظالم اے رب دا پیارا حسین اے
ہک پاسوں شاہ دی معصومہ دھی ہے ستر قدم تے بیا بھینڑ وی ہے
ظالم نیں رکنڑا نہ میں ہے بچنڑا ول ونجو خیمے آہدا حسین اے
سائر زمانے دا ہادی آوے ہر ہک شقی دا او خوں وہاوے
او ڈینہ وی آوے اللہ ڈکھاوے سارے جہاں کوں وسدا حسین اے
ارسلان علی سائر
Comments
Post a Comment