او جیندے قبلے دا ناں حسین اے اوں با حیا کوں عباس آہدن
او جیندے قبلے دا ناں حسین اے اوں با حیا کوں عباس آہدن
نبی تے جیہڑی عطا ہے رب دی اوندی عطا کوں عباس آہدن
حسین دا جیڑھا مانڑ ہووے علی دی دھیاں دی جان ہووے
جو ویر تھی کے سڈاوے نوکر ایجھے بھرا کوں عباس آہدن
اے کاش میں وی عباس ہوندا علی وی حسرت ریا کریندا
مگر علی وانگ ہووے جیڑھا اوں مرتضیٰ کوں عباس آہدن
جیندی وفا تے خدا کوں ناز اے تے جیڑھا چوڈاں دی وی نماز اے
تے جیکوں زہرا وی آکھے بچڑا اوں بادشاہ کوں عباس آہدن
بے آسراں دا جو آسرا ہے جہاں توں وکھری جیندی عطا ہے
جتھاں وفاواں وی سجدہ ڈیندن اوں بارگاہ کوں عباس آہدن
حیا دا منبع ادب دا مالک جیہڑا جہاں تے وفا دا خالق
جو رکھ کے قدرت وی باہیں کٹاوے اوں با وفا کوں عباس آہدن
زمانہ سائر علم دو ویندائے مصیبتاں غازی چا ٹلیندائے
جیندا علم وی لوائے حمد اے اوں شہنشاہ کوں عباس آہدن
ارسلان علی سائر
Comments
Post a Comment