منیندے نیں میڈا ورثہ
منیندے نیں میڈا ورثہ ڈسا میں کن ونجاں بابا
میکوں آہدن گواہ گھن آ ڈسا میں کن ونجاں بابا
میڈے پاسے اتے اینجھی ضرب لائی اے مسلماناں
میڈا آندا نوی ہنڑ ساہ ڈسا میں کن ونجاں بابا
نبوت تے امامت کوں بچیندے ہوئے زمانے تے
بچی نیں تیڈی دھی بابا ڈسا میں کن ونجاں بابا
تیکوں روواں جو گھر بہہ کے گوارہ اے کریندے نیں
جیہڑے پڑھدن تیڈا کلمہ ڈسا میں کن ونجاں بابا
طمانچہ کیوں تیکوں مارا تے کیوں خالی ولایا گئے
حسن ول ول جو ہے پچھدا ڈسا میں کن ونجاں بابا
تیڈے دربار دی گرمی میڈے در تے بجھائی گئی
اوہو محسن کو کھا گئی بھا ڈسا میں کن ونجاں بابا
میڈی غربت اتے حیدر میتھوں لک لک کے روندا ہے
میڈا دل اے نوی ساہندا ڈسا میں کن ونجاں بابا
جیہڑے دربار وچ میڈی تئیں ڈھگ تعظیم کیتی ہائی
اتھاؤں ول آئی ہاں جھنڑکاں کھا ڈسا میں کن ونجاں بابا
Comments
Post a Comment