دریا تے ہے پیاسی جوڑی مسلم دی
دریا تے ہے پیاسی جوڑی مسلم دی
کوفے وچ ہے رل گئی جوڑی مسلم دی
او تائیں مامے پاک دیاں راہوں ڈہدی رئی
جے توڑیں رئ جیندی جوڑی مسلم دی
آخر جھل جھل زخم ایں حارث دے کولوں
پیو وانگوں گئی ماری جوڑی مسلم دی
ماء کوں اے ارمان ہمیشہ رہ ویسی
دریا وچ دفنائی جوڑی مسلم دی
لوگو شاہ دے مقصد ھل من آکھئے تاں
پہلے پہلے آئی جوڑی مسلم دی
سائر عید مناوے کیویں عید ایہا
تیغ دے ہیٹھ گزاری جوڑی مسلم دی
ارسلان علی سائر
Comments
Post a Comment