نوحہ / اے عون و محمد ڈیویں چا
عون و محمد
اے عون و محمد ویرنڑ دا توں ڈیویں چا صدقہ اے
متاں بچ پووی پاک بھرا اے
ہک میڈی طرفوں ڈیویں چا ہک ڈیویں اپنڑی جھا اے
متاں بچ پووی پاک بھرا اے
ہک چادر چائی ویندی ہاں اے پتر وی نال ٹرائی ونج
اے میڈی طرفوں ویرنڑ دا توں صدقہ آپ بنڑائی ونج
تیڈے ویر دے اکبر توں پہلے اے ڈیسن سر کٹوا اے
متاں بچ پووی پاک بھرا اے
اے پوترے ہن پئے جعفر دے تیڈا اجڑی مانڑ ودھا ڈیسنڑ
انہاں ایجھئی جنگ ڈکھلاونڑی ہے تیڈی محنت کوں رنگ لا ڈیسنڑ
انہاں غازی بنڑنائے مقتل وچ من عالیہ پاک صلاح اے
متاں بچ پووی پاک بھرا اے
میں جانڑدا ہاں کل دنیا توں تیکوں ویرنڑ ڈھیر پیارا اے
جیندا چہرا ڈیکھ کے جیندی ایں اوندا بنڑسن اے وی سہارا اے
ہر کہیں توں پہلے مقتل دو ڈیویں اجڑی پتر ٹرا اے
متاں بچ پووی پاک بھرا اے
گر شامی کوفی مقتل وچ تیڈے ویر دی قیمت آنڑ منگنڑ
بے جھجھک توں بچڑے ڈیویں چا نیں تھی سنگدا اے انکار کرنڑ
میکوں پتراں دی کوئی فکر نیں تیڈے ویر دا بس چنتا اے
متاں بچ پووی پاک بھرا اے
جڈاں ٹری اے ویہڑے چوں اجڑی سائر عبداللہ آہدا ہا
میڈی نسل وچوں کوئی نیں ٹریا متاں رنج تھیوے تیڈا پاک بھرا
میکوں سرخرو کر چا ویرنڑ توں احسان توں اجڑی لا اے
متاں بچ پووی پاک بھرا اے
شاعر اہلبیت ارسلان علی سائر
Comments
Post a Comment