طمانچے مار نہ ظالم حسین دی دھی آں
طماچے مار نہ ظالم حسین دی دھی آں
گواہ عباس دا پرچم حسین دی دھی آں
نہ روک بابے دے سینے تے انج سمنڑ کولوں
ہاں ایندے زخماں دی مرہم حسین دی دھی آں
ڈیہاڑے خوشیاں دے جو ہن او میں ہنڈا چھوڑن
ہے ہنڑ یتیمی دا موسم حسین دی دھی آں
میں اپنڑی ڈاڈی دے وانگوں بتول ہاں گھر دی
نہ تھی رسول توں نادم حسین دی دھی آں
قسم ہے بابے دے گھوڑے توں اوکھے لاہونڑ دی
تعظیم میڈی ہے لازم حسین دی دھی آں
ض
میں اپنڑے بابے دے وانگوں ڈکھاں دی ماری ہاں
میڈا نصیب ہے ماتم حسین دی دھی ہاں
جاں نام لکھیں توں سائر لکھیں چا مظلومہ
ہیں میڈے درداں دا راقم حسین دی دھی ہاں
شاعر اہلبیت ارسلان علی سائر
Comments
Post a Comment