علی اکبر سخی شبیر کا اکبر

 نُوحہ پاک

علی اکبرؐ سخی شبیرؐ کا اکبرؐ

گرا ہے خاک پر ہو کر لہو میں تر

کہیں شہزادے کی سانسیں نہ رک جائیں

نہ ہو جائے پدر کو دیر لاشے پر

مرے اللّه کہاں شبیرؐ بوڑھا تھا

ہوا لیکن پِسر کی لاش پر آ کر

اُٹھانا لاش بیٹے کی ہے کب آساں 

کہاں دنیا میں ہے شبیرؐ سا صابر

اُٹھا کے لاش اکبرؐ کی یہ شہ بولے

نہ مر جائے کہیں اکبرؐ تری مادر

سخی شبیرؐ کی آنکھیں بہت روئیں

جوں ہی اکبرؐ کی آنکھوں میں دِکھی دُختر

لبِ سائر پہ ہے ہر دم دُعا مولا 

پَہن کر سہرا پھر آئے علی اکبرؐ

کلام : ارسلان علی سائر