حق الاونڑ دا کر ادا سنگدئے
سلام(سرائیکی)
حق الاونڑ دا کر ادا سنگدئے
کونڑ میثم جیہاں اَلا سنگدئے
غازی تلوار چاوے لازم نیں
جنگ اصغر وی تاں جِتا سنگدے
کیندی جرأت ہے پانڑی روکے چا
جیلے خُود پانڑی خیمے آ سنگدئے
توں جو اللّٰہ کوں ڈیکھنڑا چاہندئیں
کربلا ونج سخی ڈِکھا سنگدئے
میڈے بچڑے کوں آندا ہے ماتم
یعنی جنت او ہنڑ ونڈا سنگدئے
ہکو اکبر ہے جیہڑا اے یوسف
حسن دا کبریا سڈا سنگدائے
اوکوں قاسم سڈیندی ہے دنیا
جیہڑا مہندی کوں رنگ لا سنگدئے
کونڑ سنڑسی عقیدہ سائر دا
کونڑ ہے جیہڑا ول پَچا سنگدے
ارسلان علی سائر
Comments
Post a Comment