کاظم دیاں قیداں چھٹ گئیاں
نوحہ پاک
کاظم دیاں قیداں چھٹ گئیاں
کوئی آ زنجیر لہاوے ہا
چوڈاں سالاں دے قیدی دے
کوئی میت کوں دفناوے ہا
کاظم دی لاش اتے زہرا
غربت دے ہوکے ڈیندی ہے
میں جھلنڑ مکانڑاں آ گئی ہاں
کوئی پرسہ ڈیونڑ آوے ہا
پل تے ہے لاشہ کاظم دا
بابے دی تانگ لہا چھوڑو
ایندی تانگ تنگیندیاں دھیاں کوں
کوئی ونج اے خبر سنڑاوے ہا
جے کر دفناونڑ دی جاہ نیں
اے منت غریب تے لا چھوڑو
بے وارث ہے موسیٰ کاظم
کوئی وطن اتے پُچواوے ہا
اے پہلا قیدی ہے جیڑا
تھیا مرنڑ توں بعد رہا کوئی نیں
زنجیراں جھنڑ جھنڑ آہدیاں ہن
کوئی ایندی قید چھڑاوے ہا
سائر دی حسرت ہے مولا
تیڈے روضہء اقدس تے ونج کے
اے نوحہ تیڈی غربت دا
تیڈی قبر اتے پڑھ آوے ہا
ارسلان علی سائر
Comments
Post a Comment