تیراں دی زد ءچ آ گئے لاشہ ڈکھی حسن دا
تیراں دی زد ءچ آ گئے لاشہ ڈکھی حسن دا
تبدیل رنگ تھی گئے مظلوم دے کفن دا
آکھے حسین نانا کتھ گھن ونجاں حسن کوں
کیتھ لاشہ ونج لکاواں کوئی راہ ڈسا امن دا
غستان ونج کے میت کیا گھر ولا وی ولدن ؟
تاریخ وچ ولا ہے میت نبی دے چن دا
ویرنڑ دے تیر کڈھ کے ہمشیر آہدی رئی اے
پرسہ توں ویندی واری ڈتی ونج میکوں رسن دا
پہلے لعین امت ڈتی زہر مجتبیٰ کوں
ول ہر ادب بھلایا مسموم دے بدن دا
بعد نبی کوئی ایجھی سیداں دے لٹ پئی ہے
ہر پھل تھیا ہے زخمی زہرا تیڈے چمن دا
جے توڑیں زندگی ہے ایویں لکھسی راہندا نوحے
سائر کوں سیدہ توں تحفہ ملائے سخن دا
ارسلان علی سائر
Comments
Post a Comment