سم پو صغیر بچڑا سنڑ کے توں ماء دی لوری
سم پو صغیر بچڑا سنڑ کے توں ماء دی لوری
ول میڈا لعل سنڑسیں توں تاں قضاء دی لوری
اکبر دے وانگ تیڈی وی منتظر ھے صغریٰ
جیہڑی سنڑیندی رہ گئی تیکوں دعا دی لوری
اے ماء دی لوری اصغر حاضر ہے لحظے کیتے
ول سنڑدا راہسیں بچڑا توں کربلا دی لوری
ممکن نئیں کربلا وچ لحظے آرام ہووے
آندی ہے چارے پاسوں تتی ہوا دی لوری
شالا توں میڈا اصغر جیویں تے سہرا پاویں
لوری میڈی تاں ہوسی ایں التجا دی لوری
جیویں حیاتی تیڈی لحظے توڑیں ہے مکنڑی
امڑی تیڈی نہ ڈیسی ول ایں ادا دی لوری
سائر اولاد پنسن کئی بے اولاد ماواں
میں پڑھساں ونج کے مجلس وچ ایں طرح دی لوری
ارسلان علی سائر
Comments
Post a Comment