عباس دے بازو گواہ انج کر گیائے غازی وفا
عباس دے بازو گواہ انج کر گیاۓ غازی وفا
ممنون ہے خود سیدہ انج کر گیاۓ غازی وفا
بھاویں جو بازو تھئے قلم جھنڑیا نئیں شاہ دا علم
حیران تھئی ہے خود قضا انج کر گیاۓ غازی وفا
غازی گوارہ کریا نیں پانڑی بغیر او ولیا نیں
آکھا کریم کربلا انج کر گیاۓ غازی وفا
شبیر جو ہائی آکھیا تئیں لڑنا نیں غازی بھرا
من کے بھرا دی لہہ پیا انج کر گیائے غازی وفا
آقا سوا سڈیا نئیں شاہ کوں بھرا سڈیا نئیں
نوکر سڈائے پر ہائی بھرا انج کر گیائے غازی وفا
رت خاک وچ شامل تھئی وت کربلا کامل تھئی
کر گئے اوکوں خاک شفا انج کر گیائے غازی وفا
اوندے جھیاں کوئی خاص نیں فضہ ہاں میں عباس نیں
بس اوہو ہے رب وفا انج کر گیاۓ غازی وفا
سائر علم جھک سنگدا نیں ایندا ذکر رک سنگدا نیں
کیتی دعا ہے عالیہ انج کر گیائے غازی وفا
ارسلان علی سائر
Comments
Post a Comment