ٹردی واری اکبر ایہا مس چموائی ونج

 ٹردی واری اکبر ایہا مس چموائی ونج 

متاں توں ول نہ آویں میڈی سدر لہائی ونج


جے توڑیں حیاتی ہے تیڈی تانگ رکھیساں میں 

بھاویں بھل ونجیں توں اکبر ہرگز نہ بھلیساں میں 

کیویں مر مر جیونڑا ہے میکوں خود سمجھائی ونج 

میں اکبر مر ویساں میکوں گل نال لائی ونج


جے چاہندائیں میں جیواں احسان اے لیندا ونج 

میڈے جیونڑ دا اکبر کوئی سبب بنڑیندا ونج 

میڈی ساہواں چن ویرنڑ توں آپ ودھائی ونج 

پیراں دے نشاں اکبر ویہڑے ءچ بنڑائی ونج


تیڈے ٹرنڑ کنوں ویرن میں تھی لاچار گئی 

تیڈے ہجر دا سنڑ اکبر میں تھی بیمار گئی

کتھ بہہ کے راہ ڈیکھاں اوہو جھا ڈکھلائی ونج 

ویرنڑ نہ بہہ سنگدی میکوں آپ بلہائی ونج 


بھینڑاں کوں مانڑ ہوندن بہوں ڈھیر بھراواں تے 

ویراں کوں مانڑ ہوندن بھینڑاں دی دعاواں تے

شالا جگ جگ توں جیویں چہرہ چموائی ونج 

کڈاں گھننڑ میکوں آسیں تاریخ ڈسائی ونج 


شاعر اہلبیت 

ارسلان علی سائر

Comments

Popular posts from this blog

رل گئے سہرے پاک بنے دے رل گئی ہے بنرے دی ماء

قم کی شہزادی کا بابا لوٹ کر آیا نہ گھر

اصغر دی مسکان دا حملہ