ترسدی اکھیاں کوں دید تیڈی جو تھی ہووے ہا
ترسدی اکھیاں کوں دید تیڈی جو تھی پَوّے ہا
امامِ مہدی ص اے دل نمانڑاں وی جی پَوّے ہا
اے جھوک ساڈی بغیر تیڈے اندھارے وچ ہے
دعا اساڈی ظہور دی ہنڑ سنڑی پوے ہا
کریم مولا اے کعبہ اج وی پکاردا ہے
قدم تہاڈا ہنڑ اوندی چھت تے رکھی پوے ہا
او چالہی قبراں او بجھدے ڈیوے اے آکھدے ہن
جے آویں ہا تو ڈکھی دی تربت بنڑی پوے ہا
کریم ابنِ کریم مولا کریم ہیں توں
کرم کریں ہا تاں عید ساڈی وی تھی پوے ہا
میڈے خدایا ہمیشہ سائر دعا کریندائے
اساڈا وارث اساکوں جلدی گُلِی پوے ہا
ارسلان علی سائر
Comments
Post a Comment