ہک وار الاویں ہا اکبر
ہک وار الاویں ہا اکبر
کجھ حال سنڑاویں ہا اکبر
تیڈی لہندی مس دو خیر ہووے
ایہا مس چمواویں ہا اکبر
تقدیر دیاں لٹیاں ماواں کوں
چہرہ ڈکھلاویں ہا اکبر
متاں کجھ ساہ میڈے ودھ پوونڑ
میکوں گل نل لاویں ہا اکبر
تیڈے شگن مناوے ہا بابا
توں سہرا پاویں ہا اکبر
متاں صغریٰ مر پووے اپنڑی
کوئی خبر پچاویں ہا اکبر
متاں تیڈی جوانی بچ پووے
کوئ تاں وس لاویں ہا اکبر
میڈی غربت دا توں ساتھی ہیں
میڈے درد ونڈاویں ہا اکبر
بھلا تئیں جئے پتر کوہیندے ہن
میکوں آپ ڈساویں ہا اکبر
سائر ہر ماتمی کوں اپنڑا
روضہ چمواویں ہا اکبر
ارسلان علی سائر
Comments
Post a Comment