کیویں جیندی پئی آں بعد تیڈے
کیویں جیندی پئی ہاں بعد تیڈے تیکوں کیہڑے حال سنڑاواں
میڈی غربت دا کل حال ڈیسنڑ میڈیاں بابا زخمی ساہنواں
تیڈے ٹرنڑ دے بعد ایویں پرسہ تیڈے امتیاں آنڑ ڈتائے میکوں
پرچاونڑی وچ دروازے تے بابا اے لا گئے بھاواں
دربار دے وچ تیڈے منبر اگوں کہیں نیں آکھا بہہ ونج بیبی
میں آہدی رئی میں تھک پئی ہاں نیں کیتیاں امت وفاواں
جیہڑا امت رویہ کیتا ہے میکوں چنتا ہے ہنڑ دھیاں دا
میں وچ دربار دے ڈیکھ آئی ہاں کوفے تے شام دیاں راہواں
بابا توں تاں آہدا ہاویں دھیاں دے ادب کریندے ہن
کیوں بعد تیڈے ہنڑ دھیاں تے نیں تھیندیاں پیار دیاں چھاواں
ارسلان علی سائر
Comments
Post a Comment