ہائے مسلم سفیر دی جوڑی
ھائے مسلم سفیر دی جوڑی
بعد مسلم دے بہوں رلی جوڑی
خون تازہ اجاں ہا بابے دا
قتل حارث نے کر ڈتی جوڑی
بھینڑ آہدی کھڑی ہے غازی کوں
ویر واپس نہیں ولی جوڑی
بے بسی دا جہان بنڑ گئی ہے
ظلم سہہ سہہ کے اک ڈکھی جوڑی
شاہ دے اصغر دی خیر منگدی ہے
مولا مسلم دی اے نکی جوڑی
کیا یتیماں کوں انج مریندا ہے
پچھدی ظالم توں ہے کھڑی جوڑی
کر کے ماتم حسین مولا دا
خانے کعبے کولوں ٹری جوڑی
ماتمی سارے وسدا ڈیکھن ہنڑ
شالا مسلم امیر دی جوڑی
ارسلان علی سائر
Comments
Post a Comment