شبِ عاشور کی دعا قاسم
شبِ عاشور کی دعا قاسمؑ
تیری مہندی رہے سدا قاسمؑ
یوں ہی چمکے ترے لہو کی حنا
رنگ لائی تری وفا قاسمؑ
تجھ کو دولہا بنانا ہے ماں نے
سوئے جنت نہ جلدی جا قاسمؑ
ہاشمی ہے تو تجھ کو جچتا ہے
لب پہ صبر و رضا سجا قاسمؑ
تیری اماں کی آنکھ برسی ہے
آنسو آنسو ہے کربلا قاسمؑ
تیری ہجرت کا غم رہے قائم
سینہ سینہ جگہ جگہ قاسمؑ
موت سائر ہے روتی قاسمؑ کو
زندگانی کی التجا قاسمؑ
ارسلان علی سائر
Comments
Post a Comment